सह्याद्री मित्र संमेलन सह्याद्रीच्या वाटांवरची मैत्री, एका व्यासपीठावर

नाशिक शहरातील नामवंत दुर्गभ्रमणकार कै. अविनाश जोशी यांच्या स्मृतीप्रीत्यर्थ रविवार, ७ जुलै २०२३ रोजी या संमेलनाची सुरुवात झाली. पहिल्याच संमेलनाला अभूतपूर्व प्रतिसाद मिळाला — १५०० हून अधिक सह्याद्री प्रेमींनी उपस्थिती लावली. शहरातील नामवंत कालिदास कलामंदिर सभागृह सह्याद्रीच्या जयघोषाने तुडुंब भरले होते.

नाशिकचे प्रसिद्ध ट्रेकर, ज्येष्ठ स्तंभलेखक व दुर्ग छायाचित्रकार संजय अमृतकर यांच्या पुढाकाराने व धडपडीने सह्याद्री मित्र संमेलनाची अधिकृत मुहूर्तमेढ रोवली गेली. गिर्यारोहक, स्थानिक वाटाडे, दुर्गसंवर्धक आणि अभ्यासकांना एकाच छताखाली एकत्र आणणारी ही महाराष्ट्रातील एक अग्रगण्य चळवळ ठरली आहे.